बेळगाव : बेळगावात एक धक्कादायक घटना घडली आहे. गोकाक तालुक्यात स्कूल बसचा भीषण अपघात झाला आहे. स्कूल बस उलटल्याने सहा विद्यार्थी गंभीर जखमी झाली आहे. तर काही विद्यार्थी किरकोळ जखमी झाले आहे. बसचं स्टेअरींग लॉक झाल्यानं अपघात झाला जखमी विद्यार्थ्यांवर उपचार सुरु आहेत. सुदैवाने या अपघातात कोणतीही जीवितहानी झालेली नाही.
मिळालेल्या माहितीनुसार, गोकाक तालुक्यातील गोकाक पाच्छापूर मार्गावरील मेलीमर्डी क्रॉस येथे सकाळी दहा वाजण्याच्या सुमारास हा अपघात घडला. मावनूर, गोडचीनमलकी आणि मेलमट्टी या गावातील विद्यार्थ्यांना घेऊन स्कूल बस मरडीमठ गावाकडे निघाली होती. बसचे स्टेरिंग लॉक झाल्याने हा अपघात घडल्याची प्राथमिक माहिती समोर आली आहे. बस उलटल्यावर विद्यार्थी घाबरले आणि त्यांनी एकच आकांत केला. अपघात झाल्याचे कळताच आजूबाजूच्या शेतात काम करणाऱ्या शेतकऱ्यांनी मदतीसाठी धाव घेतली. जखमी विद्यार्थ्यांना बसमधून बाहेर काढून त्यांना आधार दिला.
स्टेअरिंग लॉक झाल्याने बस उलटली
या अपघाताची माहिती पोलिसांना देण्यात आली. जखमी विद्यार्थ्यांना उपचारासाठी गोकाक येथील हॉस्पिटलमध्ये दाखल करण्यात आले आहे. बस उलटल्याने सर्वच विद्यार्थी भयभीत झाले. मात्र तातडीने सर्व विद्यार्थ्यांना सुरक्षित खाली उतरवले आहे. अपघातात काही विद्यार्थ्यांना किरकोळ जखमा झाल्या आहेत. तर सहा विद्यार्थी गंभीर जखमी झाले. बसचे स्टेअरिंग लॉक झाल्याने बस उलटल्याची माहिती समोर आली आहे.
