पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण म्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, पुण्यातील ‘आर्मी पब्लिक स्कूल’मध्ये रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑफलाईन पद्धतीने अर्ज करता येणार आहे.
पुण्यातील ‘आर्मी पब्लिक स्कूल’मध्ये शारीरिक प्रशिक्षण प्रशिक्षक, कला शिक्षक, पूर्व प्राथमिक शिक्षक / सहाय्यक शिक्षक आणि प्रशासकीय कर्मचारी या पदांसाठी भरती प्रक्रिया सुरु झाली आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. 29 जून 2024 ही अर्ज करण्याची शेवटची तारीख असणार आहे. या प्रक्रियेंतर्गत अनेक रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
यामध्ये ऑफलाईन पद्धतीने अर्ज करावा लागणार असून, मुख्याध्यापक, आर्मी पब्लिक स्कूल, घोरपडी मार्केटजवळ, बँक ऑफ महाराष्ट्र, पुणे 411001 येथे अर्ज पाठवावा लागणार आहे. या भरती प्रक्रियेबाबत अधिक माहितीसाठी https://apspune.com/ अधिकृत वेबसाईटवरून माहिती घेता येणार आहे.
