जळगाव : घरातून निघून गेलेल्या उत्तम काशिनाथ चव्हाण (वय ६५, रा. भोकर, ता. जळगाव) यांचा मृतदेह गिरणा नदीच्या काठावर शनिवारी मिळून आला. याप्रकरणी तालुका पोलीस ठाण्यात अकस्मात मृत्यूची नोंद करण्यात आली आहे.
येथे उत्तम काशिनाथ चव्हाण हे वृद्ध वास्तव्यास होते. १९ जून रोजी सकाळच्या सुमारास ते घरातून कुठेतरी निघून गेले होते. सायंकाळपर्यंत ते घरी न परतल्यामुळे त्यांच्या कुटुंबियांनी त्यांचा गावाजवळील जंगलात शोध घेतला. मात्र, तरी देखील ते मिळून आले नाही. दरम्यान, दुसऱ्या दिवशी त्यांचा गावाजवळील गिरणा नदीच्या काठावर शोध घेत असताना त्याठिकाणी उत्तम चव्हाण यांचा मृतदेह मिळून आला. दरम्यान, घटनेची माहिती तालुका पोलिसांना मिळताच पोलीसठाण्याचे पोहेकॉ किरण अगोणे यांनी घटनास्थळी धाव घेतली.
