पुणे : पुण्यातील पोर्शे अपघात प्रकरणाने पुणे हादरले असतानाच आता अशीच एक घटना समोर आली आहे. पुण्यात भीषण अपघात झाल्याचं समोर आलं आहे. धक्कादायक बाब म्हणजे, आमदार दिलीप मोहिते पाटील यांच्या पुतण्याकडून अपघात झाल्याची माहिती मिळत आहे.
पुणे-नाशिक महामार्गावर कळंब येथे झालेल्या अपघातात आमदारांच्या पुतण्यानं दोघांना चिरडल्याची माहिती समोर आली आहे. यामध्ये दुचाकी आणि कारच्या भीषण अपघातात एकाचा जागीच मृत्यू झाला आहे. अपघातात ओम सुनिल भालेराव याचा मृत्यू झाल्याची माहिती मिळत आहे. दरम्यान, रविवारी मध्यरात्री पुणे नाशिक महामार्गावर हा भीषण अपघात घडल्याची माहिती मिळत आहे.
