पुणे : तुम्ही देखील नोकरीच्या शोधात आहात? तर तुमच्यासाठी आनंदाची बातमी असणार आहे. कारण, छत्रपती संभाजीनगर येथे विभागीय आयुक्तालयात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे.
संभाजीनगर येथे विभागीय आयुक्तालयात तांत्रिक तज्ञ या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला छत्रपती संभाजीनगर, जालना, बीड, धाराशिव, लातूर, परभणी, हिंगोली, नांदेड यापैकी कुठल्याही ठिकाणी जाऊन नोकरी करावी लागणार आहे. या प्रक्रियेंतर्गत एकूण 9 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. तांत्रिक तज्ञ या पदासाठी ही भरती प्रक्रिया राबवली जात आहे.
यामध्ये ऑनलाईन पद्धतीने अर्ज करावा लागणार असून, 22 जून 2024 ही अर्ज करण्याची शेवटची तारीख आहे. या भरती प्रक्रियेबाबत अधिक माहितीसाठी https://aurangabad.gov.in/ अधिकृत वेबसाईटवरून माहिती घेता येणार आहे.
