नवी दिल्ली : प्रसिद्ध स्मार्टफोन निर्माता कंपनी Samsung ने आपला नवा Galaxy सीरिजचा Galaxy M15 हा स्मार्टफोन नुकताच लाँच केला आहे. या स्मार्टफोनमध्ये 50 MP चा ट्रिपल कॅमेरा देण्यात आला असून, 4GB RAM यामध्ये असणार आहे. हा एक बजेट फोन असून, तुम्हाला ऑनलाईन खरेदी करता येणार आहे.
ई-कॉमर्स प्लॅटफॉर्म एमेझॉनवर सध्या हा स्मार्टफोन तुम्हाला स्वस्तात मिळू शकणार आहे. हा स्मार्टफोन Android 13 वर काम करतो. यामध्ये ऑक्टो-कोर चिपसेट देण्यात आला आहे. हा मीडियाटेक डायमेंशन 6100+ चिपसेट, 4GB RAM आणि 128 GB ऑनबोर्ड स्टोरेजसह मिळू शकतो. हा फोन अनेक कलर्स ऑप्शन्समध्ये उपलब्ध करून देण्यात आला आहे. या स्मार्टफोनमध्ये बॅटरी बॅकअपही चांगला आहे. यात 6000mAh ची बॅटरी देण्यात आली आहे.
Samsung Galaxy M15 5G मध्ये 6.5-इंच फुल-एचडी + (1,080 × 2,340 पिक्सेल) सुपर AMOLED डिस्प्ले देण्यात आला आहे. ज्यामध्ये 90Hz रिफ्रेश रेट, 800 nits ब्राइटनेस आणि व्हिजन बूस्टर आहे. हा फोन ड्युअल सिम (नॅनो) ला सपोर्ट करतो. हा स्मार्टफोन तुम्हाला अॅमेझॉनवर 12,999 रुपयांमध्ये खरेदी करता येऊ शकतो.
