खंडाळा : जुन्या मुंबई-पुणे हायवेवर खंडाळा येथे एक भीषण अपघात झाला आहे. एका अवघड वळणावर नवरा-बायको मोटारसायकलवरून नवी मुंबईवरून पुण्याकडे निघाले असताना बस खाली येऊन अपघात झाला. या अपघातात सुरेखा आनंद सणस यांचा जागीच मृत्यू झाला असून पती आनंद सहदेव सणस हे गंभीर जखमी झाले आहेत.
या भीषण अपघाताचा थरार झारा हॉटेलच्या सीसीटीव्ही कॅमेऱ्यामध्ये रेकॉर्ड झाला आहे. घटनास्थळी पोहचत लोणावळा शहर पोलिसांनी जखमी आनंद सणस यांना उपचारासाठी रुग्णालयात दाखल केलं आहे. तर मृत सुरेखा सणस यांचा मृतदेह नातेवाईकांना सुपूर्द केला आहे. तसेच बस चालकाला ताब्यात घेण्यात आले असून पुढील तपास लोणावळा पोलीस करत आहे.
View this post on Instagram
