Ibrahim Ali Khan Bollywood Movie : बॉलिवूडचा नवाब सैफ अली खानचा लेक इब्राहिम अली खान आता बॉलिवूडमध्ये पदार्पण करणार आहे. करण जोहराच्या धर्मा प्रोडक्शन हाऊसच्या बॅनर अंतर्गत चित्रपटाची निर्मिती होणार आहे. या चित्रपटात बोनी कपूर आणि श्रीदेवी यांची कन्या खुशी कपूरही काम करणार आहे.
मिळालेल्या माहितीनुसार,’नादानिया’ असे चित्रपटाचे नाव असणार आहे. ‘नादानिया’ चित्रपटाची निर्मिती करण जोहरच्या धर्मा प्रोडक्शनच्या बॅनर अंतर्गत होणार आहे. त्यामुळे करण जोहरने आणखी दोन स्टार किड्सला बॉलिवूडमध्ये झळकवण्याची तयारी दाखवली असली आहे.
रोमँटिक कॉमेडी चित्रपट असणार ‘नादानियां’
‘नादानियां’मध्ये इब्राहिम अली खान आणि खुशी कपूर मुख्य भूमिकेत असणार आहेत. संपूर्ण चित्रपटाचा भार त्यांच्या खांद्यावर असेल. ही एक रोमँटिक कॉमेडी असेल असे सांगण्यात येत आहे. इब्राहिम आणि खुशी कपूरची कॅमेस्ट्री लोकांना आवडेल की नाही? हे चित्रपट प्रदर्शित झाल्यानंतरच समोर येईल.
इब्राहिम करतोय करण जोहरसोबत काम
इब्राहिम अली खानने करणला ‘रॉकी और रानी की प्रेम कहानी’ या चित्रपटात असिस्ट केले होते. तर, खुशी कपूरने झोया अख्तरच्या ‘द आर्चिज’ चित्रपटातून अभिनय क्षेत्रात पदार्पण केले होते. खुशीच्या त्या चित्रपटाला सरासरी प्रतिसाद मिळाला. त्यात सुहाना खान आणि अमिताभचा नातू अगस्त्य नंदा यांच्यासह अनेक स्टार किड्स होते.
