नागपूर : नागपूरमधून एक भीषण अपघात घडल्याची माहिती समोर येत आहे. भिवापूर तालुक्यातील बेला पोलीस स्टेशनच्या हद्दीत महिला मजुरांच्या वाहनाला अपघात झाल्याची घटना घडली आहे. कामगार महिला कामानिमित्त बेला पोलीस स्टेशनच्या हद्दीत गेल्या असता चालकाचे वाहनावरील नियंत्रण सुटल्याने हा अपघात झाल्याची प्राथमिक माहिती आहे. या अपघाताचा तीन महिलांचा मृत्यू झाला आहे. तर काही महिला जखमी झाल्याचं सांगण्यात येत आहे.
मिळालेल्या अधिक माहितीनुसार, मंजुरीसाठी या महिला एका वाहनात आल्या होत्या. परत जात असताना चालकाचे नियंत्रण सुटल्याने वाहन पलटी झाले. या अपघातात तीन महिलांचा जागीच मृत्यू झाला आहे. घटनास्थळी पोलीस दाखल झाले असून याप्रकरणी अधिक तपास करत आहेत.
