मुंबई : दीपिका पादुकोण व रणवीर सिंह हे बॉलीवूडमधलं पावर कपल लोकप्रिय आहे. ऑनस्क्रीनबरोबरच खऱ्या आयुष्यातही दोघे एकमेकांसाठी परफेक्ट आहेत. दरम्यान नुकत्याच एका मुलाखतीत दीपिकाने फॅमिली प्लॅनिंगवर भाष्य केले आहे.
वोग सिंगापूरला दिलेल्या मुलाखतीत दीपिका म्हणाली, “मला व रणबीरला लहान मुले खूप आवडतात. मी त्या दिवसांची वाट बघत आहे जेव्हा आमचं कुटुंब सुरु होईल.” ज्यांच्यासमोर मी लहानाची मोठी झाले असे माझे नातेवाईक, मित्रपरिवार यांना जेव्हा मी भेटते तेव्हा ते नेहमी म्हणतात की माझ्यात जरासुद्धा बदल झालेला नाही. हे माझ्यावरील संस्कारांमुळेच आहे. रणवीर व मला आशा आहे की, आमच्या मुलांनाही आम्ही असेच संस्कार देऊत.”
दीपिका रणवीरसाठी २०२३ वर्ष खूप खास ठरले. गेल्यावर्षी दीपिकाचे प्रदर्शित झालेले पठाण व जवान चित्रपटांनी बॉक्स ऑफिसवर जबरदस्त कमाई केली होती. तर रणवीरचा रॉकी और रानी की प्रेम कहानी’चित्रपटही हिट ठरला होता. आता लवकरच दीपिका सिद्धार्थ आनंदच्या फायटर चित्रपटा दिसणार आहे. या चित्रपटात तिच्याबरोबर ऋतिक रोशनची मुख्य़ भूमिका आहे. तसेच तिचा ‘कल्कि २८९८ एडी’ व रोहित शेट्टी दिग्दर्शित ‘सिंघम अगेन’चित्रपट प्रेक्षकांच्या भेटीला येणार आहेत.
