पिंपळे गुरव (पिंपरी): पूर्ववैमानस्यातून एका तरुणावर कोयत्याने वार करण्यात आले. ही घटना बुधवारी तीन जानेवारीला दुपारी अडीच वाजताच्या सुमारास पवनानगर, पिंपळे गुरव येथे घडली. राहुल सुनील मोरे (वय 23, रा. पवनानगर, पिंपळे गुरव) असे झालेल्या जखमी तरुणाचे नाव असून त्यांनी याप्रकरणी सांगवी पोलीस ठाण्यात फिर्याद दिली आहे. त्यानंतर पोलिसांनी अथर्व शशिकांत देशपांडे (रा. पवनानगर, पिंपळे गुरव) याच्या विरोधात गुन्हा दाखल केला आहे.
पोलिसांनी दिलेल्या माहितीनुसार, राहुल मोरे हे त्यांच्या मित्रांसोबत गप्पा मारत पवनानगर येथील सार्वजनिक रस्त्यावर थांबले होते. त्यावेळी आरोपी अथर्व देशपांडे हा तिथे आला. त्याने जुन्या भांडणाच्या कारणावरून राहुल यांना मारहाण केली. त्यानंतर त्याने राहुल यांच्यावर कोयत्याने वार करत त्यांना गंभीर जखमी केले. याबाबत सांगवी पोलीस तपास करीत आहेत.
