पिंपरी: नवी सांगवीमध्ये आई आणि बहिणीला मारहाण केल्याप्रकरणी मुलगा आणि त्याच्या पत्नीवर गुन्हा दाखल करण्यात आला आहे. ही घटना शनिवारी 30 डिसेंबरला दुपारी अडीच आणि रविवारी 31 डिसेंबरला दुपारी साडेबारा वाजताच्या सुमारास संत तुकाराम नगर नवी सांगवी येथे घडली.
निलेश रतन वंजारे आणि त्यांची पत्नी (दोघे रा. संत तुकाराम नगर, नवी सांगवी) अशी गुन्हा दाखल झालेल्यांची नावे आहेत. याप्रकरणी निलेश यांच्या आईने सांगवी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी यांना मुलगा आणि सुनेने त्यांच्याशी वाद घालत मारहाण केली. या घटनेनंतर फिर्यादी यांची मुलगी रविवारी दुपारी त्यांना पाहण्यासाठी आली. त्यावेळी आरोपींनी पुन्हा शिवीगाळ करून फिर्यादी आणि त्यांच्या मुलीला काठीने मारहाण केली. तसेच ‘तुमचा काय संबंध इथं यायचा. तुम्हाला जिवे मारीन’ अशी धमकी दिली असल्याचे फिर्यादीत नमूद केले आहे. याबाबत सांगवी पोलीस तपास करीत आहेत.
