Manipur Clash : मणिपूरमध्ये पुन्हा एकदा हिंसाचार झाल्याची माहिती समोर येत आहे. मणिपूरमधील थौबल जिल्ह्यात सोमवारी संध्याकाळी तीन जणांची गोळ्या झाडून हत्या करण्यात आली आहे. या घटनेत पाच जण जखमी झाल्याचे वृत्त इंडिया टीव्ही या वृत्त वाहिनीने दिले आहे. अद्याप हल्लेखोरांची ओळख पटलेली नसून हल्लेखोरांनी लिलोंग चिंगजाओ भागातील स्थानिक लोकांना लक्ष्य करत त्यांच्यावर गोळीबार केला. या घटनेत तीन जणांचा जागीच मृत्यू झाला, तर ५ जण जखमी झाल्याची माहिती मिळत आहे. जखमींना रुग्णालयात दाखल करण्यात आलं आहे.
गोळीबारीच्या घटनेनंतर स्थानिक नागरिक संतप्त झाले आहेत. स्थानिक नागरिकांनी तीन वाहने पेटवून दिली आहेत. या घटनेनंतर थौबल, इंफाळ पूर्व, इंफाळ पश्चिम, कक्चिंग आणि बिष्णुपूर जिल्ह्यात पुन्हा कर्फ्यू लागू करण्यात आल्याची माहिती पोलीस अधिकाऱ्यांनी दिली आहे. मणिपूरमधील इंफाळ घाटीमध्ये राहणारे मैतेई आणि डोंगरराळ भागात राहणारे कुकी या दोन्ही समाजात जातीय हिंसाचार उफाळून आला होता.
Search operations and area domination were conducted by security forces in the fringe and vulnerable areas of Imphal West, Imphal East, Thoubal, Tengnoupal and Bishnupur districts. During the operations the following items were recovered from Bishnupur district:
i.1 (one) M16… pic.twitter.com/5IXkIlUjak
— Manipur Police (@manipur_police) December 31, 2023
