नागपुर : नागपुरात एक भिसहन आगीची घटना घडली आहे. नागपुरातील कोंढाळी परिसरात ८ ते १० घरांना भीषण आग लागली आहे. मध्यरात्री लागलेल्या आगीने नागरिकांची धावपळ झाली. या घटनेने मोठी खळबळ उडाली होती. मध्यरात्री कोंढाळी नगरपंचायतमधील दैनिक दुकान चाळतील 8 ते 10 दुकानांना मोठी आग लागली होती.
आगीची माहिती मिळताच अग्निशमन दलाच्या जवानांनी तसेच स्थानिक नागरीकांनी आग विझविण्यासाठी धाव घेतली. स्थानिक नागरिकांचे मदतीने रात्री तीन साडेतीन वाजेपर्यंत आगीवर नियंत्रण मिळवण्यात यश आले. मात्र तोपर्यंत येथील एक चाळ जळून खाक झाली आहे. पहाटे साडेचार वाजेपर्यंत आग विझवण्याचे काम सुरू होतं. शॉर्टसर्किटमुळे ही आग लागली असावी असा प्राथमिक अंदाज वर्तवण्यात येत आहे. या आगीत दुकानदारांचे लाखोंचे नुकसान झाले आहे. मात्र कोणतीही जीवित हानी झाली नाही.
