पुणे : पुणे-नाशिक महामार्गावर मंचर येथे भीषण अपघात झाला आहे. क्रूझर गाडी आणि मालवाहू टेम्पोची धडक बसल्याने ही मोठी दुर्घटना घडली. ही धडक एवढी भीषण होती, की त्यामध्ये तिघांचा जागीच मृत्यू झाला. तर पाच जण जखमी झाले आहेत. त्यापैकी दोघांची प्रकृती चिंताजनक असल्याची माहिती मिळत आहे. शुक्रवारी पहाटे पाचच्या सुमारास हा अपघात झाला.
राज्यात थंडीची चाहूल लागल्याने पहाटे दाट धुके पडते. धुक्यामुळे अनेकदा समोरून येणारे वाहन दिसत नाही. चालकाला धुक्यामुळे समोरील वाहनाचा अंदाज न आल्याने हा अपघात झाल्याचा प्राथमिक अंदाज पोलिसांनी व्यक्त केला आहे. वेगाने जाणाऱ्या क्रूझरची मालवाहू टेम्पोला पाठीमागून जोरदार धडक बसली. त्यामध्ये तिघांचा जागीच मृत्यू झाला. पाच जण जखमी झाले असून, त्यांना जवळच्या रुग्णालयात उपचारासाठी दाखल करण्यात आले आहे.
दरम्यान, आज पहाटे पाचच्या सुमारास हा अपघात झाला.
