Mumbai Rape Case : मुंबईमधून एक धक्कादायक घटना समोर येत आहे. शिक्षण घेण्यासाठी मामाच्या घरी राहायला आलेल्या भाचीवर बलात्कार करून गर्भधारणा केल्याची संतापजनक घटना घडली आहे. दरम्यान, 10 जुलै 2017 रोजी तिच्या काकाविरुद्ध सहार पोलिस ठाण्यात गुन्हा दाखल करण्यात आला होता. या फिर्यादीनुसार आरोपी फिर्यादीचा नातेवाईक असून त्याने फिर्यादीशी लैंगिक संबंध ठेवले आणि तिच्यावर वारंवार बलात्कार केला. याप्रकरणी विशेष POCSO न्यायालयाने 50 वर्षीय व्यक्तीला जन्मठेपेची शिक्षा सुनावण्यात आली आहे.
पीडित महिलेने दिलेल्या फिर्यादीनुसार, पीडित महिला ही मूळची उत्तर प्रदेशची आहे. तिथंच तिने सहावीपर्यंत शिक्षण घेतलं. त्यानंतर पुढील शिक्षण घेण्यासाठी 2012 मध्ये ती मुंबईत पीडिता तिचा काका आणि त्याच्या कुटुंबासोबत राहत होती. काही वर्षांपूर्वी तिच्या काकांनी तिचा लैंगिक छळ करण्यास सुरुवात केली. मार्च 2017 मध्ये घरात एकटी असताना आरोपीने तिला अयोग्यरित्या स्पर्श करून तिच्यावर लैंगिक अत्याचार केले.
याबाबत कोणाला काहीही न सांगण्याची धमकी दिली. त्यानंतर आरोपीने तिच्यावर वारंवार लैंगिक अत्याचार केले. दरम्यान, काही महिन्यांनंतर तिला पोटात दुखू लागल्याने तिने वैद्यकीय तपासणी केली, या तपासणीत ती गर्भवती असल्याचे निष्पन्न झाले. 10 जुलै 2017 रोजी तिच्या काकाविरुद्ध सहार पोलिस ठाण्यात गुन्हा दाखल करण्यात आला होता. पीडित मुलगी सध्या CWC च्या शेल्टर होममध्ये रहात आहे. (Mumbai Rape Case)
