Delhi Sultanpuri Crime News : नवरा बायोकोचा वाद कोणत्या थराला जाईल हे सांगताच येत नाही. दिल्लीत सुलतानपुरी भागात एका महिलेने रागाच्या भरात पतीचा उजवा कान चावल्याची धक्कादायक घटना घडली आहे. या घटनेत नवऱ्याच्या कानाचा बायोकोने तुकडाच पाडला आहे. एका ४५ वर्षीय महिलेने रागाच्या भरात पतीचा उजवा कान चावला.
यात कानाचा वरचा भाग कापला गेल्याने त्यांच्यावर शस्त्रक्रिया करण्यात आली आहे. याप्रकरणी पतीने पत्नीविरोधात तक्रार दाखल केली असून महिलेविरोधात आयपीसी कलम 324 अंतर्गत एफआयआर नोंदवण्यात आली आहे. पोलीस सध्या या संपूर्ण घटनेचा तपास करत आहेत.
पोलिसांनी दिलेल्या अधिक माहितीनुसार, पीडित व्यक्तीने पत्नीविरोधात तक्रार दाखल केली असून २० नोव्हेंबर रोजी कचरा टाकून घरी आल्यावर आमच्या दोघांमध्ये वाद झाला. या वादात पत्नीने वेगळे राहण्याची इच्छा व्यक्त केली. यानंतर तिने घर आणि तिचा हिस्सा विकण्याची देखील मागणी केली होती. यानंतर त्यांच्यातील भांडण वाढतच गेलं, यात महिलेने पतीवर हल्ला केला. याच रागातून तिने हे कृत्य केलं असल्याचं फिर्यादीत म्हटलं आहे.
तसेच पीडित घरातून निघून जात असताना पत्नीने त्याला पकडले आणि त्याच्या उजव्या कानाचा चावा घेतला. यात कानाचा वरचा भाग कापला गेला. त्यानंतर पीडित व्यक्तीला मंगोलपुरी येथील संजय गांधी रुग्णालयात दाखल करण्यात आले. त्यानंतर शस्त्रक्रिया करण्यासाठी त्याला जयपूर गोल्डन हॉस्पिटलमध्ये रवाना करण्यात आलं .
