Tiger 3 Box Office Collection: पुणे प्राईम न्यूज डेस्क: सुपरस्टार सलमान खानचा ‘टायगर 3’ रिलीज झाल्यापासून बॉक्स ऑफिसवर जोरदार कमाई करत आहे. सलमान खानसोबतच या चित्रपटातील कतरिना कैफच्या अॅक्शन अवताराचे खूप कौतुक होत आहे. रिलीज होण्यापूर्वीच ‘टायगर 3’ बद्दल प्रचंड चर्चा होती आणि आता तो 2023 मधील तिसरा सर्वाधिक ओपनिंग घेणारा चित्रपट बनला आहे.
पहिल्याच दिवशी सर्वाधिक कमाई करणारा चित्रपट :
यावर्षी शाहरुख खानचा चित्रपट ‘जवान’ पहिल्याच दिवशी सर्वाधिक कमाई करणाऱ्या चार चित्रपटांच्या यादीत पहिल्या स्थानावर आहे. सप्टेंबर महिन्यात रिलीज झालेल्या ‘जवान’ने ‘पठाण’च्या कमाईचा रेकॉर्डही मोडला होता. किंग खानच्या ‘जवान’ने पहिल्याच दिवशी 75 कोटींची कमाई करून इतिहास रचला आहे. आतापर्यंत ‘जवान’च्या पहिल्या दिवसाच्या कलेक्शनचा विक्रम कोणालाही मोडता आलेला नाही.
2023 मध्ये पहिल्या दिवशी सर्वाधिक कमाई करणारे चित्रपट
- जवान – 75 कोटी
- पठाण – 57 कोटी
- टायगर 3 – 44.5 कोटी
- गदर 2 – 40.10 कोटी
जानेवारीमध्ये प्रदर्शित झालेल्या ‘पठाण’ या चित्रपटाने चांगली कमाई केली होती. शाहरुख खान चार वर्षांच्या प्रदीर्घ कालावधीनंतर रुपेरी पडद्यावर परतला होता, त्यामुळे त्याला पडद्यावर पाहण्यासाठी प्रेक्षक मोठ्या संख्येने चित्रपटगृहात पोहोचणे स्वाभाविक होते. याचा फायदा चित्रपटाच्या कमाईला झाला. किंग खानच्या ‘पठाण’ने पहिल्याच दिवशी 57 कोटींचा व्यवसाय केला.
आता या यादीत सलमान खानच्या ‘टायगर 3’ने तिसरे स्थान निर्माण केले आहे. दिवाळीला म्हणजेच रविवारी प्रदर्शित झालेल्या या चित्रपटाने 44.5 कोटींची कमाई पहिल्या दिवशी केली आहे. ‘टायगर 3’ हा 2023 मध्ये सर्वाधिक ओपनिंग करणारा तिसरा बॉलीवूड चित्रपट ठरला आहे .
View this post on Instagram
‘टायगर 3’ ने सनी देओलच्या ‘गदर 2’ चा रेकॉर्ड मोडला
यावर्षी रिलीज झालेल्या सनी देओलच्या ‘गदर 2’ या चित्रपटाने बॉक्स ऑफिसवर जबरदस्त कमाई केली होती. हा चित्रपट 15 ऑगस्ट रोजी थिएटरमध्ये दाखल झाला. ‘गदर 2’चे पहिल्या दिवसाचे कलेक्शन 40.10 कोटी रुपये आहे. पहिल्या दिवशी सर्वाधिक कमाई करणाऱ्या चित्रपटांच्या यादीत ‘गदर 2’ चौथ्या स्थानावर आहे. सलमान खानच्या ‘टायगर 3’ने या चित्रपटाची पहिल्या दिवसाची कमाईचा विक्रम मोडीत काढला आहे.
