Urfi Javed Arrest : मुंबई : मॉडेल उर्फी जावेद नेहमी बोल्ड कपड्यांमुळे आणि सडेतोड बोलण्यामुळे चर्चेत असते. पण आता तिला तोकडे कपडे घालणं चांगलच भोवलं आहे. ते एका व्हिडीओमुळे पुढे आलं आहे. तिचा एक व्हिडीओ सोशल मीडियावर व्हायरल होत आहे, ज्यामध्ये पोलीस तिला अटक करताना दिसत आहेत. मात्र हा व्हिडीओ खरा आहे की नाही हे अद्याप समजलेलं नाही.
व्हिडिओमध्ये उर्फी जावेद एका कॅफेमधून बाहेर पडताना दिसत आहे, कॅफेमधून बाहेर येताच दोन महिला पोलीस येतात आणि तिला सोबत चलण्यास सांगतात. त्यावर उर्फी जावेद पोलिसांना त्यामागचं कारण विचारते. उत्तर देताना महिला पोलीस तिला तिच्या कपड्यांचं कारण देतात. तिच्या तोकड्या व अतरंगी कपड्यां विरोधात पोलीस ठाण्यात तक्रार गाखल झाली आहे. त्यामुळे तिला यावं लागेल. मग उर्फी म्हणते की ती तिला हवे तसे कपडे घालू शकते, पण पोलीस नकार देत तिला गाडीत बसवून नेतात. दरम्यान, हा व्हिडीओ सध्या जोरदार व्हायरल होत आहे. उर्फी जावेदच्या अटकेचा हा व्हिडीओ पापाराझी अकाउंट विरल भयानी व सेलिब्रिटी फोटोग्राफर वरिंदर चावला यांने शेअर केला आहे.
ज्यांनी हा व्हिडीओ व्हायरल केला, त्यांनी अकाउंटवरून उर्फीला खरंच अटक केल्याचं म्हटल आहे. पण अद्याप याबाबत कोणतीही अधिकृत माहिती समोर आलेली नाही. त्यामुळे उर्फीला खरंच तिच्या कपड्यांमुळे अटक झाली आहे की तो व्हिडीओ फक्त मनोरंजनासाठी बनवला गेलाय, याबाबत अधिकृत माहिती नाही. पण नेटकरी मात्र हा व्हिडीओ खोटा असल्याचं म्हणत आहेत.
