Pune News : पु णे : सोमवार दि.16 ऑक्टोबर 2023 रोजी पुणे शहरातील स्वामीनारायण मंदिरानजीक नवले पूल जवळ भीषण अपघात झाला असून चार वाहने एकमेकांवर आदळून हा विचित्र अपघात झालाय यातील एका ट्रकने पेट घेतला आहे. या भीषण अपघातामध्ये तीन जणांचा मृत्यू झाला आहे. तर एक जण गंभीर जखमी झाला आहे .
अजूनही काही जण गाड्यामध्ये अडकले आहेत. त्यांना वाचविण्याचे प्रयत्न सुरु आहेत. पुणे व पीएमआरडीए अग्रिशमन दलाची ४ वाहने अधिकारी आणि जवान घटनास्थळी दाखल झाले आहेत.
नवले पूल येथे दुर्दैवी अपघात
सातारावरून मुंबईच्या दिशेने जाणारा एक टेम्पो जागीच पलटी झाला. हा टेम्पो समोरून येणाऱ्या वाहनांना धडकला यामधील एका ट्रकने जागीच पेट घेतल्यामुळे एकाच वेळी चार वाहनांचा अपघात झाल्याने वाहतूक कोंडी झाली असून त्यामुळे सातारावरून मुंबईच्या दिशेने जाणारी एकेरी वाहतूक बंद करण्यात आली आहे.
जागीच पलटी झालेल्या टेम्पोमध्ये ६ जण समावेश होता. यातील ३ जणांचा जागीच मृत्यू झाला असून एका जण गंभीर अवस्थेत रुग्णालयात दाखल करण्यात आला आहे. दोघांना जखमी अवस्थेत बाहेर काढण्यात आले आहे. चार वाहनामधीत अन्य लोकांना बाहेर काढण्याचे प्रयत्न सुरू आहेत. गंभीर अवस्थेत अडकलेल्या व्यक्तींना बाहेर काढण्याचे काम सुरू केले आहे.
