पाबळ / योगेश पडवळ : जीवनामध्ये यशस्वी व्हायचे असेल तर तुमची परिस्थिती कधीच आडवी येत नाही. संघर्षातूनच जीवनाची खरी सुरुवात होते. विद्यार्थ्यांनी स्वतःला सिद्ध करण्यासाठी परिश्रम घेऊन यश संपादन करणे गरजेचे आहे, असे एका वाहिनीच्या वृत्त निवेदिका निकिता पाटील यांनी सांगितले.
पाबळ (ता. शिरूर) येथील बाजीराव मस्तानी आंतरमहाविद्यालयीन राज्यस्तरीय वक्तृत्व वादविवाद स्पर्धेच्या निमित्ताने त्या बोलत होत्या. या कार्यक्रमाच्या अध्यक्षस्थानी भगवान घोडेकर हे होते. वक्तृत्व स्पर्धेत प्रथम क्रमांक चारुदत्त माळी शिवराज महाविद्यालय गडहिंग्लजला, द्वितीय क्रमांक मिथुन माने लालबहादूर शास्त्री कॉलेज सातारा तर तृतीय क्रमांक अंकिता साकोरे श्री पद्ममणी जैन कला व वाणिज्य महाविद्यालय पाबळ या विद्यार्थिनींनी मिळवले.
वादविवाद स्पर्धेत प्रथम क्रमांक न्यू आर्ट्स कॉलेज अहमदनगरचे विद्यार्थी आकाश मोहिते व महेश उशीर, द्वितीय क्रमांक हुतात्मा राजगुरू महाविद्यालय राजगुरुनगरच्या तेजस्वी गोंड व अक्षदा कोळेकर यांनी तर तृतीय क्रमांक शिवराज महाविद्यालय गडहिंग्लजचे चारुदत्त माळी व संकेत पाटील यांनी मिळवला. सर्वोत्कृष्ट स्पर्धकाचे पारितोषिक एस. एन. जी. इन्स्टिट्यूट ऑफ मॅनेजमेंट अँड रिसर्चचा विद्यार्थी भास्कर शितोळे यांनी मिळवले.
श्री पद्ममणी जैन कला वाणिज्य महाविद्यालयाचे प्राचार्य डॉ. संजय घोडेकर म्हणाले की, बाजीराव मस्तानी आंतरमहाविद्यालयीन राज्यस्तरीय वक्तृत्व वादविवाद स्पर्धेसाठी दिवसेंदिवस भरघोस प्रतिसाद मिळत आहे. वक्तृत्व ही एक कला असून, विद्यार्थ्यांचे व्यक्तिमत्व विकसित होण्यासाठी महाविद्यालयीन जीवनात वक्तृत्वाला अतिशय महत्त्वाचे स्थान आहे.
या कार्यक्रमाला जिल्हा परिषद सदस्या सविता बगाटे, खजिनदार सोपान जाधव, सरपंच सचिन वाबळे, आत्माराम पिंगळे, डॉ.सहदेव चव्हाण, डॉ. राजेंद्र खंदारे, प्रा. अशोक गायकवाड, प्रा. मनोहर मोहरे, आकाश पाटील उपस्थित होते.
लोकसहभागातून होत असलेल्या या स्पर्धेसाठी अमलोकचंद गांधी, अक्षदा शिंदे पाटील, योगेश प्रकाश चौधरी, वैशाली देठे, राजेंद्र घाडगे, पांडुरंग कंद, रमेशचंद्र गांधी, सावळेराम नाईक, योगेश मोरे, जयेश राऊत आदी मान्यवरांनी रोख व करंडक स्वरूपातील बक्षीस दिली.
या कार्यक्रमाचे प्रास्ताविक शिल्पा शेटे यांनी केले तर सूत्रसंचालन हनुमंत भवारी यांनी केले. हनुमंत शिंदे यांनी आभार मानले.
