Pune News : पुणे : येथील बुधवार पेठेत बेकायदा वास्तव्य करत असलेल्या बांगलादेशी महिलांवर मागील आठवड्यात कारवाई करण्यात आली होती. मात्र, अद्याप बांगलादेशींची घुसखोरी सुरूच आहे. अवैध पद्धतीने वास्तव्य करून वेश्याव्यवसाय करणाऱ्या बांगलादेशी महिलांवर पोलिसांनी पुन्हा एकदा कारवाई केली आहे. याप्रकरणी पाच महिलांसह दोन पुरूषांना पोलिसांनी अटक केली आहे. पुणे पोलिसांच्या सामाजिक सुरक्षा विभागाच्या पथकाने ही कारवाई केली आहे.
पाच महिलांसह दोन पुरूषांना पोलिसांनी अटक केली
याबाबत मिळालेल्या अधिक माहितीनुसार, बांगलादेशी महिला गेल्या अनेक महिन्यांपासून अवैधरित्या पुण्यात राहत होत्या. याबाबत माहिती मिळताच पोलिसांनी पहाटे धाड टाकून अटक केली आहे. पासपोर्ट अॅक्ट १९५० नुसार त्यांच्यावर कारवाई केली असून, पुढील कारवाईसाठी त्यांना फरासखाना पोलीस ठाण्यात देण्यात आले आहे.
दरम्यान, बांगलादेशी महिलांची घुसखोरी वाढत असल्याने, कायदा आणि सुव्यवस्थेचा प्रश्न उपस्थित झाला आहे.
