Pune News : पुणे : पुणे पोलिसांनी १८ जुलै रोजी अटक केलेल्या दहशतवाद्यांचा संबंध इसिसशी असल्याचे तपासातून उघड झाल्यानंतर शहरात एकच खळबळ उडाली होती. राष्ट्रीय तपास संस्थेने (एनआयए) या प्रकरणातील सर्व आरोपींना ताब्यात घेण्यासाठी जोरदार कारवाई सुरू केली आहे. या प्रकरणातील चार आरोपींवर प्रत्येकी तीन लाख रुपयांचे बक्षिस जाहीर केले आहे. आरोपींना पकडून देणाऱ्यांना हे मोठे इनाम मिळणार आहे.
तीन लाख रुपयांचे बक्षिस
दहशतवादी संघटनेचा प्रचार आणि प्रसार केल्याप्रकरणी महमद शहनवाज शफीज उम्मा आलम अब्दुल, रिझवान अब्दुल हाजी अली, अब्दुल शेख फय्याज बायपरवाला, ताला लिवाकत खान हे तीन आरोपी एनआयएच्या वॉंटेडच्या यादीत आहेत. एनआयए आणि इसिसने पुणे मॉड्यूल प्रकरणात आतापर्यंत सात आरोपींना अटक केली आहे. हे सर्व आरोपी कोंढवा परिसरात राहत होते. त्यांनी बॉम्ब बनवण्याची कार्यशाळाही घेतल्याची माहिती तपासात मिळाली होती.
इसिस स्लीपर सेलचा शामिक सादील नाचन याच्या ठाण्यातील घरावरही एनआयएने तीन ऑगस्ट रोजी धाड टाकली होती. त्याला अटकही केली होती. ठाणे जिल्ह्यातील त्याच्या राहत्या घरातून आक्षेपार्ह साहित्य जप्त केले होते. त्यातून देशात विघटन करण्याचा दहशतवाद्यांचा कट उघड झाला होता. नाचनसह झुल्फिकार अली बडोदावाला, मोहम्मद इम्रान खान, मोहम्मद युनूस साकी, सिमाब नसिरुद्दीन काझी आणि अब्दुल कादिर पठाण यांच्यासह काही इतर संशयित हिंसाचार घडवण्याच्या कटात सहभागी होते, असे तपास संस्थेच्या तपासातून उघड झाले होते.
