Baramati Accident News : बारामती, (पुणे) : मोरगावकडून बारामतीकडे निघालेल्या चारचाकी गाडीने शाळेत चालेलेल्या तीन शाळकरी मुलांना जोरदार धडक दिल्याची घटना जळगाव कडेपठार (ता. बारामती) ग्रामपंचायत हद्दीत घडली आहे. दोघांचा उपचारादरम्यान मृत्यू झाला आहे. तर एकजण गंभीर जखमी झाला आहे. सोमवारी (ता. ०४) सकाळी नऊ वाजण्याच्या सुमारास हि घटना घडली आहे.
दोघांचा उपचारादरम्यान मृत्यू
ओंकार संतोष खांडेकर व रुपेश अमोल खांडेकर (रा. दोघेही जळगाव कडेपठार) अशी अपघातात मृत्यू झालेल्या दोघांची नावे आहेत. या अपघातात संस्कार संतोष खांडेकर असे जखमी झालेल्या मुलाचे नाव आहे. संस्कार हा इयत्ता पाचवीमध्ये शिकत आहे.
सोमवारी (ता. ०४) सकाळी तिघेजण नेहमीप्रमाणे घरुन शाळेमध्ये जाण्यासाठी ही तिन्ही मुले निघाली होती. यावेळी पाठीमागून आलेल्या चारचाकी गाडीने शाळेकडे निघालेल्या तिन्ही शाळकरी मुलांना जोरदार धडक दिली. या अपघातानंतर चारचाकी गाडी हि समोर सलेल्या एका वाहनाला धडकली.
दरम्यान, पोलिसांनी जखमी तिघांनाहि रुग्णालयात दाखल केले मात्र दोघांचा मृत्यू झाल्याची माहिती डॉक्टरांनी दिली तसेच संस्कार यास गिरीराज रुग्णालयाच उपचारासाठी हलविण्यात आले आहे. हा अपघात नेमका कशामुळे झाला याचा पोलिस तपास करीत आहेत.
