Daund News : दौंड : मुलीचा मित्र घरी आल्याने डॉक्टर महिलेसह मुलीला बेदम मारहाण केल्याची धक्कादायक घटना दौंड (जि.पुणे) शहरातील सरस्वती नगर परिसरात सोमवारी (ता.१४) सकाळी आठ वाजण्याच्या सुमारास घडली आहे. या मारहाणीचा व्हिडिओ सोशल मिडीयावर व्हायरल झाला आहे. याप्रकरणी दौंड पोलीस ठाण्यात पतीसह सासरकडील तिघांवर गुन्हा दाखल करण्यात आला आहे.
डॅा. भावना चंद्रकात धुमाळ यांनी दौंड पोलीस ठाण्यात फिर्याद दिली आहे. त्यानुसार पती सदानंद आप्पा धुमाळ, दीर रमेश सखाराम धुमाळ, सासू वत्सला आप्पा धुमाळ (तिघे रा. धुमाळ मॅन्शन , सरस्वतीनगर, गोपाळवाडी रोड, दौंड) यांच्याविरूध्द अनुसूचित जाती – जमाती अत्याचार प्रतिबंधक कायद्यातील कलमान्वये गुन्हा दाखल करण्यात आला आहे.
पती, दीर व सासूवर गुन्हा दाखल
पोलिसांनी दिलेल्या माहितीनुसार, डॅा. भावना गायकवाड या पती सदानंद धुमाळ यांच्यापासून नऊ वर्षांपासून वेगळ्या राहत आहेत. सोमवारी (ता.१४) सकाळी आठ वाजता मुलीचा मित्र घरी आला होता. त्याचवेळी पीडित महिलेचे पती सदानंद धुमाळ देखील घरी आले. मुलीच्या मित्राला पाहून त्यांनी शिवीगाळ करण्यास सुरुवात केली. मुलीने कारण विचारत तिला शिवीगाळ करत लाथा बुक्क्यांनी मारहाण करण्यास सुरुवात केली. Daund News
मुलीला वाचवण्यासाठी डॅा. भावना यांनी मध्यस्थी केल्यावर आरोपीनं तिलाही जातिवाचक शिवीगाळ करत मारहाण केली. त्यानंतर दीर रमेश धुमाळ आणि सासू वत्सला धुमाळ यांनी देखील मारहाण केली. त्यानंतर पीडित महिलेने उपजिल्हा रुग्णालय दौंड येथे औषधोपचार घेतला. त्यानंतर डॅा. भावना यांनी दौंड पोलीस ठाण्यात फिर्याद दिली. त्यानुसार दौंड पोलीस ठाण्यात पती, दीर व सासूवर गुन्हा दाखल करण्यात आला आहे. Daund News
दरम्यान, डॅा. भावना गायकवाड यांचा दौंड येथील दंतवैद्यक डॅा. सदानंद धुमाळ यांच्याशी प्रेमविवाह झाला आहे. डॅा. सदानंद धुमाळ यांचे दौंड शहरातील एका विवाहित महिलेबरोबर असलेल्या विवाहबाह्य संबंधांविषयी विचारणा केल्याच्या मुद्यावरून डॅा. भावना धुमाळ यांना २२ मे २०२२ रोजी मारहाण करून जातीवाचक शिवीगाळ करण्यात आली होती. डॅा. भावना यांच्या तक्रारीवरून डॅा. सदानंद याच्यासह सासू व सासऱ्यांविरुद्ध गुन्हा दाखल करण्यात आला होता. डॅा. भावना धुमाळ या भारतीय घटनेचे शिल्पकार भारतरत्न डॅा. बाबासाहेब आंबेडकर यांचे खंदे सहकारी दिवंगत कर्मवीर दादासाहेब गायकवाड यांच्या नात आहेत. Daund News
