अमिन मुलाणी
Muharram सविंदणे : सविंदणे (ता. शिरूर) येथे मोहरम निमित्त ताबूतची मिरवणूक काढण्यात आली. शनिवार दि. २९ रोजी सायंकाळी ६ वाजता समस्त मुस्लिम समुदाय आणि ग्रामस्थांच्या सहकार्याने गावातील मस्जिद ते विसर्जन स्थळापर्यंत ताबूतची सवाद्य मिरवणूक करण्यात आली. (Muharram)
हिंदू- मुस्लिम बांधवांच्या एकात्मतेचे प्रतीक असलेल्या या मोहरम सणाचे सर्वत्र दर्शन घडत असते. हसन व हुसेन यांच्या बलिदाना प्रित्यर्थ मुस्लिम बांधव हा सण सर्वत्र साजरा करीत असल्याचे अजीज मुलाणी, महेबुब मुलाणी, पापाभाई मुलाणी, वसीम मुलाणी, ईनूस मुलाणी,आसिफ मुलाणी, याशिन मुलाणी यांनी बोलताना सांगितले. (Muharram)
यावर्षीचे मानकरी महेबुब मुलाणी हे होते. तत्पूर्वी १० दिवस अगोदर या ताबूतची येथील मस्जिद मध्ये विधिवत स्थापना करण्यात आली. मोहरम निमित्त बनवलेल्या या ताबूतवर आकर्षक फुलांची सजावट आणि विद्युत रोषणाई करण्यात आली होती.
मिरवणुकी दरम्यान मुस्लिम बांधवांनी नारेबाजी करत, झुल पुकार नावाची पारंपारिक काठी नाचवत, हैदोस खेळला. विसर्जन स्थळावर प्रार्थना झाल्यानंतर प्रसादाचे वाटप करण्यात आले. यामध्ये मिठाईचा समावेश होता.
