दौंड : दौड शहरातील एक व्यापारी मागिल दिवसापासुन बेपत्ता झाल्याची तक्रार दौंड पोलिसात दाखल झाली आहे. समीर कादर शेख (वय 44, रा. नटराज कॉलनी, तुकाई नगर, दौंड) हे बेपत्ता झालेल्या व्यापाऱ्यांचे नाव आहे. समीर शेख हे दौंड शहरातील काही खाजगी सावकारांच्या दमदाटी व जाचाला कंटाळून बेपत्ता झाल्याचा आरोप, समिर शेख यांच्या पत्नीने केला आहे.
समीर शेख यांचे समीर इंटरप्राईजेस नावाने दौंड शहरामध्ये इलेक्ट्रॉनिक्स वस्तूंच्या विक्रीचे दुकान आहे. काल (शनिवारी) पहाटेच्या नमाजला जात आहे असे सांगून समीर शेख हे घरातून बाहेर पडले. दुपारपर्यंत ते घरी न आल्याने त्यांच्या नातलगांनी त्यांचा शोध घेतला परंतु शहरात कोठेही त्यांचा संपर्क झाला नाही. म्हणून समीर शेख यांने त्यांचे पती बेपता झाले असल्याची माहिती दौंड पोलिसांना दिली. त्यानंतर पोलिसांनी समिर शेख हे बेपत्ता झाल्याची तक्रार दाखल करुन घेतली आहे.
समिर शेख यांच्या पत्नीने पोलिसांना दिलेल्या माहितीनुसार, शहरातील काही खाजगी सावकारांकडून समीर यांनी व्याजाने पैसे घेतलेले आहेत. पैसे घेतलेल्या पैकी कांही खाजगी सावकारांनी समीर यांना एक-दोन दिवसापूर्वीच पैशासाठी दमदाटी केली होती. त्यामुळे ते मानसिक तणावातच होते. या खाजगी सावकारांच्या दमदाटीला घाबरूनच समीर हे घर सोडून गेले आहेत. तसेच समिर शेख यांना दमदाटी करणाऱ्या सावकारांची नावे ही पोलिसांना दिली आहेत.
दरम्यान, समिर शेख यांचे काही बरे वाईट झाल्यास या खाजगी सावकारांना जबाबदार धरून त्यांच्यावर कायदेशीर कारवाई करावी अशी मागणी समीर यांच्या पत्नीने दौंड पोलिसांकडे केली आहे. समीर शेख यांच्या पत्नीने दिलेल्या अधिक माहितीवरून दौंड पोलिसांनी तपास सुरू केला आहे.