Pimpri-Chinchwad पिंपरी-चिंचवड : पिंपरी पोलीस ठाण्याच्या हद्दीत किरकोळ कारणावरून पतीने पत्नी व तिच्या बहिणाला शिवीगाळ करत मारहाण केल्याची घटना उघडकीस आली आहे. (Pimpri-Chinchwad) पाणी भरण्यासाठी इथे का आली म्हणत आरोपीने मारहाण केली आहे. हा प्रकार बुधवारी (दि.28) पिंपरी येथे घडला. (Pimpri-Chinchwad)
याप्रकरणी महिलेने पिंपरी पोलीस ठाण्यात तक्रार दाखल केली त्यावरून तिचा पती (वय 25) व दोन महिला आरोपी सर्व राहणार पिंपरी यांच्याविरुद्ध गुन्हा दाखल करण्यात आला आहे.
मिळालेल्या माहितीनुसार, तक्रारदार यांची बहीण राहते घरासमोर नळाला पाणी भरत असताना तक्रारदार यांचा पती तिथे आला व तू इथे काय करत आहेस तुला इथे कोणी बोलावलं आहे म्हणत त्याने तक्रारदार यांच्या बहिणीला शिवीगाळ केली. तसेच आरोपीचे कुटुंबीय हे तक्रारदार यांच्या घरी आले व त्यांनी त्यांची बहीण व तक्रारदार यांना मारहाण करत शिवीगाळ केली व घरातून हाकलून देत घराला कुलूप लावले. यावेळी धक्काबुक्की मध्ये अश्लील वर्तन करत तक्रारदार यांचा विनयभंग झाल्याची तक्रार पिंपरी पोलीस ठाण्यात देण्यात आली. पुढील तपास पोलीस करत आहेत.
