राहुलकुमार अवचट
यवत : सुवर्णकन्या फाऊंडेशन महाराष्ट्र राज्य यांच्या वतीने खामगाव (ता. दौंड) येथील नागरिकांना यवत पोलिस ठाण्याचे वरिष्ठ पोलिस निरीक्षक नारायण पवार यांच्या हस्ते मोफत तिरंगा ध्वजचे वाटप करण्यात आले.
स्वातंत्र्याच्या अमृत महोत्सवी वर्षानिमित्त सर्वत्र “हर घर तिरंगा”, राष्ट्रीय अभियान सुरु झाले आहे. यावेळी जिल्हा परिषद शाळेच्या विद्यार्थ्यांनी ग्रामपंचायत हद्दीतून जनजागृती फेरी काढण्यात आली. ध्वज वाटपाचे प्रास्ताविक संस्थापक अध्यक्ष विलास नागवडे यांनी केले.
यावेळी सरपंच योगेश मदणे, भीमा पाटसचे माजी संचालक जगन्नाथ नागवडे, चंद्रकांत नागवडे, यवत पोलिस ठाण्याचे सुजित जगताप, वसंतराव भालसिंग, रविकांत नागवडे, ग्रामपंचायत सदस्य शैलेश कांबळे, संजय नागवडे, सोमनाथ नागवडे, पोलीस पाटील सुजाता जगताप, जिल्हा परिषद शाळेचे मुख्याध्यापक भांडवलकर, शिक्षकवर्ग यांच्यासह संस्थेचे पदाधिकारी, विद्यार्थी, महिला व ग्रामस्थ मोठ्या संख्येने उपस्थित होते. कार्यक्रमाचे सुत्रसंचालन सुवर्णा खराडे यांनी केले.
