Kishore Aware : तळेगाव दाभाडे, (पुणे) : जनसेवा विकास आघाडीचे संस्थापक अध्यक्ष किशार आवारे यांच्यावर चौघांनी प्राणघातक हल्ला केल्याची घटना घडली आहे. तळेगाव नगरपरिषदेच्या कार्यालयासमोर हा हल्ला झाला असून या हल्ल्यात आवारे गंभीर जखमी झाले असून त्यांना सोमाटणे फाटा येथील खासगी रुग्णालयात दाखल केले आहे. ( Kishore Aware)
मिळालेल्या माहितीनुसार
किशोर आवारे हे तळेगाव दाभाडे नगरपरिषदेचे मुख्याधिकारी यांची भेट घेऊन खाली आले होते. त्यावेळी दबा धरून बसलेल्या चार जणांनी त्यांच्यावर खूनी हल्ला हल्ला केला. त्यापैकी दोघाजणांनी गोळीबार केला. तर दोन जणांनी कोयत्याने वार केले.
आवारे हे रक्‍ताच्या थारोळ्यात पडल्यानंतरही हल्लेखोर काहीवेळ तिथेच थांबून होते. जखमी अवस्थेतील आवारे यांना सोमाटणे फाटा येथील खासगी रुग्णालयात दाखल केले असून त्यांच्यावर उपचार सुरू आहेत.
दरम्यान, घटनेची माहिती मिळताच तळेगाव दाभाडे पोलिसांसह मोठा पोलीस बंदोबस्त घटनास्थळी दाखल झाला आहे. या घटनेमुळे परिसरात तणावाचे वातावरण आहे.
अधिक बातम्या वाचण्यासाठी येथे क्लिक करा..
Pune News : पोलिस कर्मचार्‍याला जमावाकडून लाथा बुक्क्यांनी मारहाण ; जुन्नर तालुक्यातील घटना
