Big News जम्मू-काश्मीर – दहशतवाद्यांनी केलेल्या स्फोटात २ जवान शहीद तर एका अधिकाऱ्यासह चार जण जखमी झाल्याची बातमी समोर आली आहे. जम्मू-काश्मीरच्या राजौरी जिल्ह्यात आज सकाळी हा स्फोट घडवून आणण्यात आला आहे.
स्फोटात दोन जवान शहीद…!
येथील राजौरी सेक्टरमधील कांडी जंगलात दहशतवादी लपून बसल्याची माहिती सुरक्षा दलाला मिळाली होती. त्या माहितीच्या आधारे एक संयुक्त ऑपरेश करण्यात आले. दरम्यान यावेळी दहशतवादी व जवानांमध्ये चकमक झाली. यावेळी एका गुहेत दबा धरून बसलेल्या दहशतवाद्यांनी स्फोट घडवून आणला. या स्फोटात दोन जवान शहीद झाले तर अन्य् चार जखमी झाले.
दरम्यान, या चकमकीची माहिती मिळताच बचाव कार्य करण्यास आले. जखमी जवानांना उधमपूर येथील कमांड हॉस्पिटलमध्ये नेण्यात आलं असून चकमकीच्या ठिकाणी अतिरिक्त कुमक पाठवण्यात आली अशी माहिती भारतीय लष्कराकडून देण्यात आली.
