Pune पुणे : देवदर्शनासाठी आलेल्या भाविकांवर मधमाशांनी हल्ला केल्याची घटना पुण्यातील सिंहगड किल्याजवळ घडली आहे. येथील भवानी माता मंदिरा जवळ हा प्रकार घडला आहे. मधमाशांच्या या हल्ल्यात एकाच कुटुंबातील तब्बल दहा जण गंभीर जखमी झाले आहे. जखमींना तात्काळ रुग्णालयात उपचारासाठी दाखल करण्यात आले असून या सर्वांनी प्रकृती गंभीर आहे.
एकाच कुटुंबातील 10 जणांचा समावेश…!
सिंहगड किल्याजवळ सांबरेवाडी भागात भवानी माता मंदीर आहे. या मंदिरात खामगाव मावळ येथील काही पर्यटक दर्शनासाठी आले होते. दरम्यान यावेळी अचानक मधमाशांनी या पर्यटकावर हल्ला चढवला. मधमाशांचा हा हल्ला इतका भयानक होता की यामध्ये अनेक पर्यटक जागीच चक्कर येऊन पडले. हल्ल्यापैकी एकाच कुटुंबातील 10 जणांचा समावेश आहे. अशी माहिती पुणे जिल्हा परिषदेच्या अधिकाऱ्यांनी दिली.
या घटनेची माहिती मिळताच कुटुंबातील इतर सदस्यांनी जखमींना शोधून काढले. त्यानंतर जखमी पर्यटकांना पुण्यातील सिंहगड रस्तावरील श्रेयस रुग्णालयात उपचारासाठी दाखल करण्यात आले. या सर्वांवर उपचार सुरु करण्यात आले असून या सर्वांनी प्रकृती चिंताजनक असल्याचे सांगण्यात आले आहे.
