Pune पुणे : खडली येथील महिलेच्या खून प्रकणातील आरोपीला शोधण्यात पोलीसांना यश मिळाले आहे. खडकी पोलीस या आरोपीचा शोध घेत होते. दरम्यान चार दिवसांनंतर पोलीसांनी आरोपीस कर्नाटकातील विजापूर येथून अटक केली आहे. शहरातील खडकी भागात महिलेने प्रेमास विरोध केल्यावरून तिचा चाकूने भोकसून खून केला होता.
नासिर बिराजदार असे आरोपीचे नाव आहे. रजनी बेकुल्ले असे खून करण्यात आलेल्या महिलेचे नाव होते. याप्रकरणी खडकी पोलीस ठाण्यात गुन्हा नोंद करण्यात आला होता. त्यानंतर पोलीसांनी आरोपीचा शोध घेतला.
मिळाळेलेल्या माहितीनुसार…!
पतीच्या जागी अनुकंप तत्वार रजनी ह्या काम करत होत्या. आपल्या नोकरीच्या ठिकाणी येजा करण्यासाठी त्या दुचाकीचा वापर करत होत्या मात्र एका अपघातानंतर त्यांनी रिक्षाने नोकरीच्या ठिकाणी जाण्यास सुरुवात केली. रजनी ह्या गेल्या आठ वर्षापासून रिक्षाने प्रवास करत होत्या दरम्यान रिक्षा चालकाशी त्यांची ओळख झाली. त्यानंतर आरोपीने रजनी यांंना प्रेम असल्याचे सांगितले. यास त्यांनी विरोध केला.
दरम्यान, आरोपी नासिरला हा विरोध जिव्हारी लागला त्यानंतर त्याने आपल्या साथीदाराच्या सहाय्याने रजनी यांचा चाकूने भोसकून खून केला. खून केल्यानंतर हो कर्नाटकात फरार झाला. नसिरचा खडकी पोलीस तपास करत होते. यामध्ये त्यांना तो कर्नाटकातील विजापूर येथे असल्याची माहिती पोलीसांनी मिळाली. त्यानंतर पोलीसांच्या पथकाने त्यास ताब्यात घेतले. अद्याप आरोपीचा साथीदार मात्र फरार आहे. पोलीस त्याचा शोध घेत आहेत.
