Murder | पुणे : पुणे शहरात खूनाचे सत्र सुरूच आहे. गेल्या तीन दिवसात शहरात चौथा खून झाला आहे. आज शहरातील कोंढवा भागातून खूनाची घटना समोर आली आहे. एका 21 वर्षीय तरुणाचा भर रस्त्यात चाकूने भोकसून खून केल्याचा धक्कादायक प्रकार समोर आला आहे. किरकोळ कारणातून हा खून करण्यात आला आहे.
कोंढवा खुर्द येथील गरीब नवाज हॉस्पिटल समोरील सार्वजनिक रस्त्यावर मंगळवारी रात्री नऊ वाजण्याच्या सुमारास ही घटना घडली. या घटनेत आरोपी देखील जखमी झाला असून त्याच्यावर ससून रुग्णालयात उपचार सुरू आहे.
अहमद रजा खान (वय 21, रा. युनिटी पार्क कोंढवा खुर्द) असे खून झालेल्या तरुणाचे नाव आहे. याप्रकरणी मयत तरुणाचा भाऊ सलमान फारूक खान (वय 23) यांनी कोंढवा पोलीस ठाण्यात तक्रार दिली आहे. त्यावरून सलीम इब्राहिम खान (वय 49, नवाजीश चौक, कोंढवा) याच्या विरोधात खुनाचा गुन्हा दाखल करण्यात आला आहे.
मिळालेल्या माहितीनुसार, मंगळवारी रात्री नऊ वाजण्याच्या सुमारास अहमद गरीब नवाज हॉस्पिटल समोरून पायी जात होता. यावेळी त्याच्या ओळखीचा असलेला आरोपी सलीम खान याने अहमद रजा याच्याकडे रागात बघून वाईट शिवीगाळ केली दरम्यान शिवीगाळ का केली असे विचारणा करत अहमद रजा खान यांनी चाकू काढून आरोपीला घाबरवण्याचा प्रयत्न केला.
मात्र आरोपीने त्याच्याकडील चाकू हिसकावून घेत तोच चाकू त्याच्या पोटात खूपसला. यामध्ये गंभीर जखमी होऊन रक्तस्त्राव झाल्याने अहमद याचा मृत्यू झाला. या झटापटीत आरोपी सलीम हा देखील जखमी झाला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Murder | धक्कादायक! अल्पवयीन मुलीचा खून;चिखलीतील प्रकार
Pune triple murder Case : अनैतिक संबंधातून वहिनीसह दोन पुतण्यांना जिवंत जाळणाऱ्या नराधमाला अटक
Praveen Gopale Murder | राष्ट्रवादीचे सरपंच प्रवीण गोपाळे यांच्या हत्येप्रकरणी चार जण ताब्यात
