Pune Crime News | पुणे : तुला भाई बनायचे आहे का?, ‘तुला जास्त माज आला आहे,’ असे म्हणत जून्या वादातून चौघांच्या टोळक्याने एका तरुणावर जीव घेणा हल्ला करत गालावर ब्लेडने वार केल्याची धक्कादायक घटना घडली.
मनीष राजू पडियार (वय २१, रा. भीमज्योतनगर, पुणे) असे जखमी झालेल्या तरुणाचे नाव आहे. याप्रकरणी पडियार यांनी दिलेल्या तक्रारी दिली. त्यानुसार खडकी पोलिसांनी दिनेश ऊर्फ डिके कोठे, अजय ऊर्फ कावू पिल्ले (रा. दोघे बोपोडी) या दोघांना अटक केली आहे. तर अभिषेक ऊर्फ सोन्या मोरे, निखिल ऊर्फ चंग्या गायकवाड (रा. दोघे बोपोडी) यांच्या विरुद्ध खुनाचा प्रयत्न केल्याचा गुन्हा दाखल केला आहे.
बुधवारी (ता. १९) संध्याकाळी साडेदहा वाजण्याच्या सुमारास महादेव घाट शंकर मंदिराजवळ आदर्शनगर बोपोडी येथे ही घटना घडली आहे.
पोलिसांनी दिलेल्या माहितीनुसार, फिर्यादी मनीष आणि आरोपीमध्ये पूर्वी वाद झाले होते. दरम्यान, मनीष हा पूजेचे साहित्य विसर्जन करण्यासाठी निघाला होता. त्या वेळी आरोपींनी ‘तुला भाई बनायचे आहे का?’असे म्हणून शिवीगाळ केली. त्या वेळी अजय याने ‘तुला जास्त माज आला आहे,’ असे म्हणत ब्लेडने मनीष याच्या गळ्यावर वार केला. त्याने तो चुकविला असता, गालावर लागला.
दरम्यान इतर दोन आरोपींनी लाथाबुक्यांनी मारहाण केली. तसेच लोखंडी हत्याराने त्याला मारहाण करण्यात आली. त्याने घाबरून पळ काढला असता आरोपींनी पाठलाग करून त्याला दगड फेकून मारला. पोलिस उपनिरीक्षक गुंजाळ तपास करीत आहेत.
अधिक बातम्या वाचण्यासाठी येथे क्लिक करा….!
Sangvi Crime | बेकायदा पिस्तूल बाळगल्या प्रकरणी सांगवी पोलिसांनी दोघांना ठोकल्या बेड्या
Chikhali Crime : बँकेने ताबा मारलेल्या घरात दाम्पत्याचा प्रवेश ; गुन्हा दाखल
