Palkhi | पुणे : संत तुकाराम महाराज संस्थान, देहू यांच्याकडून ३३८ व्या पालखी सोहळ्याचं संपूर्ण वेळापत्रक जाहीर करण्यात आलं आहे. संत तुकाराम महाराजांच्या पालखीचा प्रस्थान सोहळा यंदा १० जून रोजी होणार आहे. ९ दिवसांचा प्रवास करून हा पालखी सोहळा २९ जून रोजी पंढरपूरमध्ये दाखल होईल. २९ जून ते ३ जुलै रोजी हा पालखी सोहळा पंढरपूर येथे मुक्कामी राहणार आहे, अशी माहिती पालखी सोहळा प्रमुख भानुदास महाराज मोरे यांनी दिली.
यावेळी संस्थानचे अध्यक्ष पुरूषोत्तम महाराज मोरे, पालखी अजित महाराज मोरे व विश्वस्त माणिक महाराज मोरे, संतोष महाराज मोरे, विशाल महाराज मोरे आदी उपस्थित होते.
२९ जून ते ३जुलै पर्यंत पालखी सोहळा हा पंढरपूर येथे असणार आहे. त्यानंतर ३ जुलै नंतर कल्याचे कीर्तन झाल्यानंतर पालखीचा परतीचा प्रवास सुरू होऊन पालखी १३ जुलै रोजी देहू येथे विसावणार अशी माहिती देखील देहू संस्थांकडून देण्यात आली आहे.
पालखी सोहळ्याचा कार्यक्रम….
शनिवार दि. १० जूनला पालखी प्रस्थान दु. २ वाजता होणार असून पालखीचा पहिला मुक्काम इनामदार वाड्यात.
रविवार ११ जूनला पालखी सकाळी १०.३० वाजता येथील इनामदार वाड्यातून निघून औद्योगिक नगरीकडे आकुर्डी येथील दुसऱ्या मुक्कामासाठी रवाना .
सोमवार १३ जूनला नानापेठ श्री निवडुंगा विठ्ठल मंदिरात मुक्कामी.
मंगळवार १३ जूनला पालखी येथे दिवसभर भाविकांना दर्शनासाठी मुक्कामी.
बुधवार १४ जून लोणीकाळभोर,
गुरूवार १५ जूनला यवत,
शुक्रवार १६ जून वरवंड,
शनिवार १७ जून उंडवडी गवळ्याची,
रविवार १८ जून जुन बारामती,
सोमवार १९ जून सणसर,
मंगळवार २० जून आंथुर्णे येथे पहिले गोल रिंगण व मुक्काम,
बुधवार २१ जून निमगाव केतकी,
गुरूवार २२ जून इंदापूर येथे दुसरे गोल रिंगण व मुक्काम,
शुक्रवार २३ जून सराटी,
शनिवार २४ जून रोजी सकाळी निरा स्नान व दुपारी तिसरे गोल रिंगण आणि मुक्काम अकलुज.
रविवार २५ जून रोजी सकाळी माळीनगर येथे पहिले उभे रिंगण आणि रात्री बोरगाव येथे पालखी मुक्काम.
सोमवार २६ जून रोजी सकाळी धावा व रात्री पालखीचा पिराची कुरोली येथे मुक्काम.
मंगळवार २७ जून रोजी बाजीराव विहिर येथे उभे रिंगण व रात्री वाखरी येथे मुक्काम.
बुधवार दि. २८ जून रोजी पालखी वाखरी वरून पंढरपुरात दाखल.
गुरुवार २९ जून रोजी पालखी श्री क्षेत्र पंढरपूर श्री संत तुकाराम महाराज संस्थान (मंदिर) येथे मुक्कामी.
अधिक बातम्या वाचण्यासाठी येथे क्लिक करा….!
Daund News : काय सांगता..! दौंड तालुक्यातील “या” गावात चक्क बनवली जातेय ऊसापासून कुल्फी
