Accident | पुणे : पुणे-मुंबई द्रुतगती मार्गावर कार आणि मालवाहू ट्रकचा यांच्यात झालेल्या भीषण अपघातात दोघांचा जागेवरच मृत्यू झाला आहे तर दोघीजण गंभीर जखमी झाले आहेत. मध्यरात्री अडीच वाजण्याच्या सुमारास पुण्याहून-मुंबईच्या दिशेने जाताना मळवली या ठिकाणी हा अपघात झाला आहे.
जय सावंत आणि विकास सावंत अशी मृत्यू झालेल्या दोघांची नावे आहेत. तर अश्विनी राणे आणि आर्या सावंत या गंभीर जखमी झालेल्या दोघींची नावे आहेत.
सोमटणे येथील खासगी रुग्णालयात उपचार….
मिळालेल्या माहितीनुसार, जय सावंत आणि विकास सावंत व आणखी दोघीजण या पुण्याहून मुंबईच्या दिशेने निघाले होते. कारचालकाचे नियंत्रण सुटून कारने समोरील भरधाव मालवाहू ट्रकला पाठीमागून जोरात धडक दिली. या अपघातात दोघांचा मृत्यू झाला, तर दोन जण गंभीर जखमी आहेत. त्यांच्यावर सोमटणे येथील खासगी रुग्णालयात उपचार सुरू आहेत. अपघातात कारच्या समोरील भागाचा चक्काचूर झाला आहे.
दरम्यान, कार आणि मालवाहू ट्रक एकाच लेनवर असताना हा अपघात झाला आहे. कारवरील नियंत्रण सुटल्याने हा अपघात झाल्याचे उपस्थित नागरिकांनी सांगितले. राणे आणि सावंत कुटुंब हे सिंधुदुर्ग येथील आहे. ते पुण्यातून मुंबईतील मुलुंड येथे जात होते. तेव्हा प्रवाशांपैकी दोघांवर काळाने घाला घातला.
अधिक बातम्या वाचण्यासाठी येथे क्लिक करा….!
Pune Accident : भीषण अपघाताने पुन्हा पुणे हादरले! इनोव्हा-पिकअपच्या धडकेत ५ ठार 2 जखमी
Indapur Accident : धक्कादायक ! इंदापूर तालुक्यात एकाच तासात दोन अपघात ; तिघांचा मृत्यू
