पुणे : Pune Accident- पुणे जिल्ह्यातील जुन्नर तालुक्यातून पुन्हा एकदा भीषण अपघाताची बातमी समोर आली आहे. इनोव्हा व पीकअपच्या भीषण अपघातात पाच जणांना जीव गमवावा लागला तर एक जण गंभीर जखमी आहे. (Pune Accident) हा अपघात माळशेज घाटाजवळ सोमवारी रात्री १० च्या सुमारास नगर कल्याण मार्गावर घडला आहे. या अपघाताने जिल्ह्यात एकच खळबळ उडाली आहे. (Pune Accident)
दोन्ही वाहनांचा चक्काचूर
इनोव्हा गाडीच्या चालकाचं वाहनावरील नियंत्रण सुटल्याने हा अपघात घडल्याची प्राथमिक माहिती आहे. सुदैवाने या अपघातात पीकअप चालक थोडक्यात बचावला. हा अपघात एवढा भीषण होता की दोन्ही वाहनांचा चक्काचूर झाला. एवढेच नाही तर इनोव्हामधील एयरबॅग तुटून वेगळी झाली होती.
या अपघाताची माहिती मिळताच ओतूर पोलिसांनी घटनास्थळी धाव घेतली व बचाव कार्य सुरू केले. मृतांची नावे अद्याप समोर आली नसून इनोव्हा गाडी ही कल्याणकडून आळेफाट्याकडे चालली होती. तर पिकअप वाहन हे कल्याणच्या दिशेने चालले होते. स्थानिकांच्या मदतीने जखमींना ओतूर येथील सरकारी दवाखान्यात त्यांनी आणले. परंतु त्यातील पाच जणांना मृत्यू झाल्याचे डॉक्टरांनीघोषित केले. पुढील तपास पोलीस करत आहेत.
दरम्यान, मागच्या आठवड्यात आळेफाट्याजवळील अपघातात पाच जणांचा मृत्यू झाला होता. ही घटना ताजी असतानाच आज हा अपघात घडला आहे.
अधिक बातम्या वाचण्यासाठी येथे क्लिक करा :
Indapur Accident : धक्कादायक ! इंदापूर तालुक्यात एकाच तासात दोन अपघात ; तिघांचा मृत्यू
Pune Accident News : ट्रॅक्टरचा ब्रेक फेल होऊन भीषण अपघात; मुलाचा मृत्यू, वडील गंभीर जखमी..!
Nanded Accident ! ट्रकच्या धडकेत रिक्षाचा चुराडा ; अपघातात चौघांचा जागीच मृत्यू, ५ गंभीर जखमी
