Dapodi News | पिंपरी : पान खाल्ल्याचे पैसे मागितल्याने “आठवण” पान शॉपच्या चालकाला बेदम मारहाण करून लुटल्याची धक्कादायक घटना घडली आहे. दापोडी येथील छत्रपती शिवाजी महाराज चौकात शुक्रवारी (ता.३१) रात्री साडेनऊ वाजताच्या सुमरास ही घटना घडली.
सुमेध उर्फ गोट्या गायकवाड, बॉक्सी पठारे (दोघे रा. दापोडी) अशी अटक करण्यात आलेल्या आरोपींची आहे. तर याप्रकरणी कुणाल बाळासाहेब पवार (वय-३०, रा. दापोडी) यांनी याप्रकरणी भोसरी पोलीस ठाण्यात फिर्याद दिली आहे. त्यानुसार, भोसरी पोलिसांनी दोघांना अटक केली आहे.
पोलिसांनी दिलेल्या माहितीनुसार, फिर्यादी पवार यांची दापोडी येथील छत्रपती शिवाजी महाराज चौकात आठवण पान शॉप नावाची टपरी आहे. फिर्यादी त्यांच्या पान टपरीमध्ये काम करत असताना आरोपी तिथे आले. त्यांनी फिर्यादीकडे पान मागितले. फिर्यादी यांनी पान देऊन त्यचे पैसे मागितले. त्यावरून सुमेध गायकवाड याने मी दापोडीचा भाई आहे. तू माझ्याकडे पैसे मागतो का, असे म्हणून फिर्यादीस शिवीगाळ केली.
नाहीतर तुला जिवंत सोडणार नाही…
दरम्यान, फिर्यादी यांनी याचा जाब विचारला असता आरोपींनी त्यांना मारहाण करून शर्टच्या खिशातून एक हजार ४५० रुपये काढून घेतले. त्यानंतर टपरी मधील गल्ल्यातून ५ हजार ५७५ रुपये काढून घेतले. असे एकूण ७ हजार २५ रुपये काढून घेत, हे या महिन्याचे झाले. यापुढे प्रत्येक महिन्याला मला गुपचूप हप्ता द्यायचा. नाहीतर तुला जिवंत सोडणार नाही, अशी धमकी दिली असल्याचे फिर्यादीत म्हटले आहे.
याप्रकरणी भोसरी पोलीस ठाण्यात गुन्हा दाखल होताच, पोलिसांनी दोन्ही आरोपींना अटक केली आहे. पुढील तपास भोसरी पोलीस करीत आहे.
अधिक बातम्या वाचण्यासाठी येथे क्लिक करा….!
Ahmednagar Crime : कोयत्याने मारहाण करुन जिवे ठार मारण्याचा प्रयत्न; सराईत आरोपी पोलीसांच्या ताब्यात
Crime News | यवत : रिक्षाचालकाने प्रवाशाला लुबाडले; ४५ हजारांचा मुद्देमाल जबरदस्तीने घेऊन फरार
