सुरेश घाडगे
परंडा : पुणे बार असोसिएशनच्या वार्षिक निवडणुकीत उपाध्यक्षपदासाठी झालेल्या अटीतटीच्या लढतीत परंडा तालुक्यातील रोसा गावचे सुपुत्र नामांकित विधीज्ञ विश्वजित मधुकरराव पाटील यांनी सर्वाधिक ३ हजार १० मते मिळवून विजय संपादन केला. या विजयांमुळे त्यांचे सर्वत्र कौतुक होत आहे.
शिवाजीनगर येथील जिल्हा न्यायालयात पुणे बार असोसिएशनच्या निवडणुकीचे मतदान सोमवारी झाले. या निवडणुकीत अध्यक्ष पदाच्या निवडणुकीत केतन कोठावळे यांना २ हजार ७२८ मते मिळाली. तर उपाध्यक्षपदासाठी झालेल्या लढतीत अॅड. विश्वजित मधुकरराव पाटील यांना सर्वाधिक ३ हजार १० मतांनी विजयी झाले आहेत.
जयश्री चौधरी-बीडकर यांना २ हजार २३४ मते मिळाली. सचिवपदासाठी राहुल कदम यांना २ हजार ७१९ व गंधर्व कवडे यांना २ हजार ४९१ मते मिळाली. खजिनदारपदासाठी २ हजार ७९१ मते मिळवून समीर बेलदरे विजयी झाले. अॅड. अजय देवकर यांची ऑडिटर म्हणून निवड झाली आहे
दरम्यान, अॅड. अमित गिरमे यांनी मुख्य निवडणुक अधिकारी म्हणून काम पाहिले. त्यांना अॅड. दिलीप जगताप, अॅड. माधवी पोतदार, अॅड. शरद कुलकर्णी, अॅड. कांताराम नप्ते आणि अॅड. सिद्धेश्वर चौधरी यांनी उपनिवडणुक अधिकारी म्हणून मदत केली.
