वाघोली : वाघोली येथील कीर्तन महोत्सवात महाराजांनी चक्क हेलिकॉप्टरमधून एंट्री घेतल्याने याची चर्चा हवेलीसह संपूर्ण जिल्ह्यात होत आहे.
वाघोली येथे शांताराम कटके यांच्या वतीने भव्य कीर्तन महोत्सवाचे आयोजन करण्यात आले आहे.या कीर्तन महोत्सवासाठी सांगली येथील हभप समाधान महाराज शर्मा यांना आमंत्रित करण्यात आले होते. यावेळी या महाराजांना हेलिकॉप्टर मधून कार्यक्रम स्थळी आणण्यात आले.
दरम्यान, कार्यक्रम स्थळी आणण्यापूर्वीच महाराजांच्या गळ्यात डझनभर फुलांचे हार घातलेले पाहायला आध्यात्मिक सोहळ्यात देखील हेलिकॉप्टरच्या वापर होऊ लागल्यानं सर्वांच्याच भुवया उंचावल्या. महाराजांच्या हेलिकॉप्टर वारीची सर्वत्र जोरदार चर्चा आहे.
