रीवा : मौगंज (जि रीवा, मध्य प्रदेश) येथे प्रेयसीला निर्दयीपणे लाथाबुक्यांनी बेदम मारहाण करणाऱ्या प्रियकराला उत्तरप्रदेशातील मिर्जापुरमधून पोलिसांनी रात्रीच्या सुमारास अटक केली आहे. पंकज असे अटक करण्यात आलेल्या आरोपीचे नाव आहे.
ये आदमी जीवन भर जेल में रहेगा तभी इस तरह कि हैवानियत को कम किया जा सकेगा.
जानवर की तरह एक लड़की को पिटता हैवान है.
तालिबानी बर्बरता है ये- #सजा भी वैसी ही होनी चाहिए. #मध्यप्रदेश https://t.co/WPsodWbFPQ
— Chitra Tripathi (@chitraaum) December 24, 2022
मिळालेल्या माहितीनुसार, प्रियकर आणि प्रेयसी यांच्यामध्ये कोणत्यातरी कारणावरून वाद होते. या वादाचे रुपांतर भांडणात होते व प्रियकर रागाने प्रेयसीला जमिनीवर फेकताना तिच्या चेहऱ्यावर अनेक वार केले. यानंतर मुलगी बेशुद्ध पडते. चूक लक्षात आल्यानंतर तरुणाने त्याला उठवून शुद्धीवर आणण्याचा प्रयत्न केला. मात्र तरीही ती मुलगी शुद्धीवर आली नव्हती.
त्यानंतर मुलीचा मित्र आणि इतर लोक तेथे पोहोचतात. सर्वजण मुलीला शुद्धीवर आणण्याच्या प्रयत्नात करतात. या घटनेचा व्हिडिओ सोशल मिडीयावर तुफान व्हायरल झाला होता. आणि व्हिडिओ १० ते १५ दिवसांपूर्वीचा असल्याचेही सांगण्यात येत आहे. व्हिडिओ मोठ्या प्रमाणात व्हायरल होत असून मौगंज पोलिसांच्याही निदर्शनास आला होता. पोलीस व्हिडिओचा तपास सुरू कसून आरोपीचा शोध घेत होते.
दरम्यान, पोलिसांनी तपासाची चक्रे फिरवून आरोपीला मिर्जापुर (उत्तर प्रदेश) मधून मोठ्या शिताफीने अटक केली आहे. पोलीस आरोपीला घेऊन रीवा जिल्ह्याकडे निघाले असून पुढील तपास रीवा पोलीस करीत आहेत.
