पुणे : पुणे-सोलापूर राष्ट्रीय महामार्गावर असलेल्या वाखारी गावच्या हद्दीतील वाकडापुल येथे रस्ता ओलांडणाऱ्या वारकरी पादचाऱ्याला एका चार चाकी वाहनाने धडक दिली आहे. या धडकेत पादचारी व्यक्ती मोठ्या प्रमाणात जखमी झाला असल्याची प्राथमिक माहिती मिळत आहे .
पुणे-सोलापूर राष्ट्रीय महामार्गावर वाखारी गावच्या हद्दीतील वाकडा फुल येथे आज दुपारी दोनच्या सुमारास पुणे वरून सोलापूरच्या दिशेने जाणाऱ्या एका पांढऱ्या रंगाच्या कारने रस्ता ओलांडणाऱ्या पादाचाऱ्याला जोरात धडक दिली. यामध्ये रस्ता ओलांडणाऱ्या पादचारी व्यक्तीला मोठ्या प्रमाणात मार लागल्याची प्राथमिक माहिती मिळत आहे. सदर व्यक्ती हा वारकरी संप्रदायातील असल्याची माहिती मिळत आहे. घटनास्थळी बघ्यांनी मोठ्या प्रमाणात गर्दी केली होती.
