मुंबई : बॉलिवूड अभिनेत्री शिल्पा शेट्टीचं मुंबईमध्ये बॅस्टियन रेस्टॉरंट आहे. या रेस्टॉरंटमधून चोरी झाल्याची मोठी घटना घडली आहे. या रेस्टॉरंटच्या पार्किंगमधून बीएमडब्ल्यू झेड 4 ही 80 लाख रुपये किंमतीची आलिशान टू सीटर कन्व्हर्टिबल BMW कार चोरीला गेल्याची घटना घडली आहे. रविवारी रात्री ही घटना घडली आहे.
नेमकं काय घडलं?
वांद्रे येथील व्यावसायिक रुहान फिरोज खान हा रविवारी रात्री एकच्या सुमारास दोन मित्रांसह बॅस्टियन रेस्टॉरंट येथे जेवायला गेला होता. त्याने त्याच्या कारची चावी रेस्टॉरंटमध्ये काम करणाऱ्या व्हॅलेटकडे सोपवली होती. रेस्टॉरंट बंद झाल्यानंतर रुहानने पार्किंग स्टाफला त्याची कार परत देण्यास सांगितले. सर्वांनी ती कार शोधण्याचा प्रयत्न केला. मात्र ती कुठेही सापडली आहे.
कार गायब झाल्याचे पाहून रुहानला धक्काच बसला. मात्र, बिल्डींगच्या पार्किंगमधील कार चोरीला गेल्याने खळबळ माजली आहे. कार मालकाने कार चोरीला गेल्याची तक्रार शिवाजी पार्क पोलिस स्टेशनमध्ये दाखल केली आहे. या प्रकरणाचा तातडीने तपास सुरू करण्यात आला.
