पुणे : महाराष्ट्र राज्य वीज वितरण कंपनी लिमिटेड, मुंबई येथे तुम्हाला नोकरी मिळू शकणार आहे. कारण, या ठिकाणी आता रिक्त पदावर भरती केली जाणार आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. यामध्ये ऑफलाईन पद्धतीने अर्ज करावा लागणार आहे. तरी इच्छुक उमेदवारांनी लवकर अर्ज करण्याचा सल्ला दिला जात आहे.
महाराष्ट्र राज्य वीज वितरण कंपनीच्या मुंबई विभागात मुख्य कायदेशीर सल्लागार या पदावर भरती केली जात आहे. यामध्ये निवड झालेल्या उमेदवाराला पगारही चांगला मिळणार आहे. पण यात वयोमर्यादा निश्चित करण्यात आली असून, 65 वर्षांपर्यंत असणाऱ्या उमेदवाराला संधी दिली जाणार आहे. यासाठी अर्ज करण्याची शेवटची तारीख ही 28 ऑक्टोबर 2024 असणार आहे.
यासाठी ऑफलाईन पद्धतीने अर्ज करावा लागणार आहे. त्यासाठी सहाय्यक महाव्यवस्थापक (HR/RC), रिक्रूटमेंट सेल, महावितरण, चौथा मजला, प्रकाशगड, वांद्रे (पूर्व), मुंबई-51 या पत्त्यावर संबंधित अर्ज पाठवावा लागणार आहे. या भरती प्रक्रियेबाबत अधिक माहितीसाठी https://www.mahadiscom.in/ या अधिकृत वेबसाईटवरून माहिती घेता येणार आहे.
