छत्रपती संभाजीनगर : राज्यात आता आगामी विधानसभा निवडणुकांचे वारे वाहू लागले आहेत. अशातच आज मराठवाडा मुक्तीसंग्राम दिनानिमित्त मुख्यमंत्री एकनाथ शिंदे यांच्या हस्ते शासकीय ध्वाजारोहण पार पडले. मराठवाडा दुष्काळमुक्त करण्यासाठी सरकार मागे पडणार नाही. मराठवाड्यात गेल्या दोन वर्षात विकासाचे अनेक प्रकल्प, उद्योग आणल्याचे मुख्यमंत्र्यांनी यावेळी सांगितले. आगामी विधानसभा निवडणूकीच्या जागा वाटपावर काम सुरु असून समन्वयातून बोलणी सुरु आहे. जे काम आम्ही केले आहे.
त्याच्या पोचपावतीवर आणि अडीच वर्षात विरोधकांनी केलेलं कामआणि दोन वर्षातील महायुतीचे काम याची तुलना करून जागा ठरवल्या जाणार आहे. एवढे निर्णय कधीही घेतले नव्हते. असं मुख्यमंत्री एकनाथ शिंदे यावेळी बलताना म्हणाले. यावेळी मराठा आरक्षणावर मराठा समाजानं सहकार्याची भूमिका घेतली पाहिजे असंही ते म्हणाले आहेत. छत्रपती संभाजीनगरमध्ये ते बोलत आहे.
मराठवाड्याला दुष्काळमुक्त करण्यासाठी सरकार मागे पडणार नाही..
मराठवाडा दुष्काळ मुक्त करण्यासाठी सरकार मागे पडणार नाही. आम्ही मराठवाडा विकासासाठी निर्णय घेतले आहेत असं ते यावेळी म्हणाले. आज आम्ही मराठवाडा विकासासाठी निर्णय घेतले, समृद्धी महामार्ग तयार झाला. अनेक उदयोग आणले आहेत, मोठ्या प्रमाणात गुंतवणूक मराठवाड्यात होत आहे. लाडकी बहीण योजना केली आहे त्याचा आपल्या बहिणीला फायदा होणार आहे. शेतकऱ्यांसाठी वीज बिल माफ केले आहे. शेतकऱ्यांना 16 हजार कोटी रुपये मदत केली. मराठवाड्यातील साखर कारखाने सोबत imo साईन आपण करत आहे.
पंतप्रधान यांना वाढदिवसाच्या शुभेच्छा..
आज पंतप्रधान यांचा वाढदिवस असून वाढदिवसाच्या शुभेच्छा देतो, 10 वर्षात त्यांनी देशाचे नाव जगभरात उंचीवर नेण्याचे काम केले. केंद्र आणि राज्य मिळून आपण राज्याचा विकास करत आहे. कापूस आणि सोयाबीन बाबत आपण निर्णय घेतला आहे. यावर्षी चांगला पाऊस पडला, सर्वत्र समृद्धी आली आहे.
आम्ही जे बोलतो ते करतो : मुख्यमंत्री एकनाथ शिंदे
राज्यात मराठा आरक्षणाचा प्रश्न पेटलेला आहे. त्यावर बोलताना मुख्यमंत्री एकनाथ शिंदे यांनी मराठा समाजानं सहकार्याची भूमिका घ्यावी असं आवाहन केले आहे. ते म्हणाले, सगे सोयरे बाबत काम सुरू आहे, आम्ही जे बोलतो ते करतो, आमची डबल भूमिका नाही. दुटप्पी भूमिका सरकारने कधीच घेतली नाही, शिंदे समिती नेमली आणि कुणबी प्रमाणपत्र मिळत आहे. एक मोठं यश आहे. ओबीसीला धक्का न लावता मराठा समाजाला आरक्षण देण्याचं म्हटले होते, यासाठी विशेष अधिवेशन बोलावून आरक्षण आम्ही दिले. त्याविरुद्ध कोर्टात कोण गेले हे तुम्हाला माहित आहे.
त्यामुळे सगे सोयरे, गॅझेटचा विषय आहे, यासाठी शिंदे समिती आणि शिंदे समिती काम करत आहे. कुणाची आम्ही दिशाभूल करणार नाही आणि फसवणूक करणार नाही, दिलेला शब्द आम्ही पाळणार, जे देऊ कायद्याच्या चौकटीत बसणारे आहे. मी मुख्यमंत्री झाल्यापासून 5 हजार मराठा तरुणांना आम्ही नोकरी दिली. सारथी व्ययप्ती वाढवली. 1 लाख लोकांना बिन व्याजी कर्ज दिले. माझं आवाहन आणि विनंती आहे की सरकारने एवढं केल्यानंतर, सहकार्यची भूमिका घेतल्यानंतर मराठा समाजाने देखील सहकार्यची भूमिका घेतली पाहिजे” असे ही मुंख्यमंत्री म्हणले.
