सागर जगदाळे
भिगवण: पुणे-सोलापूर महामार्गावरती भिगवणमधील सकुंडे वस्तीजवळ सायंकाळी सहा वाजताच्या दरम्यान शेतातून घरी निघालेल्या तीन म्हशींना रस्ता ओलांडताना क्रेटा (एमएच १२ डब्लूई ९२६८) गाडीने जोरदार धडक दिली. यामध्ये तीनही म्हशींचे पाय निकामी होऊन त्या गंभीर जखमी झाल्या आहेत. त्यामुळे सकुंडे ( पूर्ण नाव समजू शकले नाही) या शेतकऱ्याचे मोठे आर्थिक नुकसान झाले आहे. तसेच क्रेटा गाडीचेही या अपघातात नुकसान झाले आहे. सुदैवाने गाडीमधील व्यक्तींना मोठी दुखापत झाली नाही. जखमींना मदत करण्यासाठी आपुलकीची सेवा ॲम्बुलन्सचे मालक केतन वाघ यांनी तत्काळ सेवा दिली असून जखमी म्हशींवरती उपचार करण्यासाठी पशुवैद्यकीय डॉक्टरांना कल्पना दिली.
