पालघर : पालघरमध्ये एक धक्कादायक घटना समोर आली आहे. गणपती आगमन मिरवणूक बघायला गेलेल्या १० वर्षाच्या मुलीचे अपहरण करून तिच्यावर सामूहिक बलात्कार केल्याची घटना घडकी आहे. या घटनेने पुन्हा एकदा महाराष्ट्र हादरला आहे. ही घटना 2 सप्टेंबर रोजी रात्रीच्या सुमारास घडली. ३० वर्षाच्या दोन नराधमांनी मुलीला अडवून निर्जनस्थळी घेऊन जात तिच्यावर बलात्कार केला. हे प्रकरण उघडकीस आल्यानंतर पोलिसांनी गुन्हा दाखल करून दोन्ही नराधमांना अटक केली आहे.
पोलिसांनी दिलेल्या माहितीनुसार, 2 सप्टेंबर रोजी दहा वर्षीय पीडिता गणपती आगमन मिरवणूक बघण्यासाठी घरातून बाहेर पडली होती. मिरवणूक बघून झाल्यावर घरी परत येत असताना दोन नराधमांनी तिला रस्त्यात आडवले. दरम्यान, पीडिता राहत असलेल्या परिसरातच दोन्ही आरोपी राहतात. त्यामुळे दोन्ही नराधमांना मुलगी ओळखत होती.
दोघांनी तिला बोलण्यात गुंतवले आणि नंतर जबरदस्तीने निर्मनुष्य ठिकाणी घेऊन जात तिच्यावर बलात्कार केले. यानंतर आरोपींनी नंतर तिला सोडून दिले. रात्री साडे दहा वाजेच्या दरम्यान पीडिता घरी आली. तेव्हा तिच्या अंगावरील कपडे फाटलेले होते. आईवडिलांनी तिला कपडे फाटण्याचे कारण विचारले असता तिने घडलेला प्रकार सांगितला. आईने तिला नीट बघितले तेव्हा तिच्या प्रायव्हेट पार्टवर रक्ताचे डाग दिसले. आईवडिलांनी तात्काळ पीडितेसह पोलीस ठाण्यात धाव घेत झालेला प्रकार सांगितला. पोलिसांनी अपहरण आणि सामूहिक बलात्काराचा गुन्हा दाखल करून आरोपींना बेड्या ठोकल्या.
