Hurun Rich List 2024 : भारत देशाची आर्थिक राजधानी असणाऱ्या मुंबईबाबत मोठी बातमी समोर आली आहे. मुंबई हे आता जगातील सर्वात जास्त अब्जाधिश असलेलं शहर बनलं आहे. हुरुन इंडिया रिच लिस्ट 2024 च्या अहवालानुसार मुंबईनं आता चीनची राजधानी बीजिंगला सुद्धा मागे टाकले आहे. यापूर्वी बीजिंग हे जगातील सर्वात जास्त अब्जाधिश असणाऱ्यांचं शहर होतं. परंतु, मुंबईनं बीजिंगला मागं टाकत हा मान पटकावला आहे. तसेच भारतात सर्वात जास्त अब्जाधिश असणारी 10 शहरं आहेत. त्यामध्ये पुण्याचा समावेश आहे. पुणे शहरामध्ये 53 अब्जाधिश असल्याची माहिती आहे.
मिळालेल्या माहितीनुसार, बीजिंगमध्ये वर्षभरात अब्जाधिशांच्या संख्येत लक्षणीय घट झाली असल्याची माहिती मिळत आहे. जवळपास 28 टक्क्यांची घट झाली आहे. एका वर्षात मुंबईतील श्रीमंतामध्ये 58 नव्या अब्जाधिशांची भर पडली असून शहराची एकूण संपत्ती ही 47 टक्क्यांनी वाढली आहे. अलिकडच्या काळात मुंबईत अब्जाधिश असणाऱ्या लोकांच्या संख्येत मोठी वाढ होत आहे. त्यामुळं मुंबई जगाती सर्वात जास्त अब्जाधिश असणाऱ्या लोकांचं शहर झालं आहे.
भारतात सर्वात जास्त अब्जाधिश असणारी 10 शहरं..
मुंबई – 365
नवी दिल्ली – 217
हैदराबाद – 104
बुंगळुरु – 100
चेन्नई – 82
कोलकाता – 69
अहमदाबाद – 67
पुणे – 53
सुरत – 28
गुरुग्राम – 23
