विशाल कदम
जिंती : जिंती (ता. करमाळा) येथे आयोजित करण्यात आलेल्या कै. बॉबीराजे राजेभोसले चषक क्रिकेट स्पर्धेत भिगवण संघाने विजेतेपद पटकावले. स्पर्धेचे बक्षीस वितरण आंतरराष्ट्रीय कार स्पोर्ट्समॅन संजय टकले यांच्या हस्ते करण्यात आले.
ॲड. नितीनराजे राजेभोसले यांच्या वाढदिवसानिमित्त कै. श्रीमंत बॉबीराजे राजेभोसले चषक क्रिकेट स्पर्धेचे आयोजन करण्यात आले होते. या क्रिकेट स्पर्धेत भिगवण क्रिकेट संघाने अंतिम लढतीत विजय मिळविताना चषकावर आपले नाव कोरले. भिगवण संघाला ३१ हजार व चषक देऊन सन्मानित करण्यात आले. जिंती क्रिकेट क्लबने दुसरे तर कुंभेज फाटा क्रिकेट क्लबने तिसरे स्थान राखले. दुसऱ्या संघाला २१ हजार रोख व चषक तर तृतीय संघाला ११ हजार रोख व चषक देऊन सन्मानित करण्यात आले.
स्पर्धेच्या बक्षीस समारंभावेळी माजी जिल्हा परिषद सदस्य दशरथ कांबळे, मकाई सहकारी साखर कारखान्याचे संचालक दत्ता गायकवाड, प्रा. रामदास झोळ, कायदेतज्ञ किरण वागज, दत्तात्रय आडसुळ, ओम देशमुख, श्रीराम गलांडे, नंदू भोसले, प्रा. सुहास गलांडे,गौतम धेंडे, अर्जुन वरगड, राजेंद्र धांडे, अर्जुन वारगड, आदी मान्यवर उपस्थित होते.
दरम्यान, या स्पर्धेत विजयी व सहभागी संघांचे नितीन राजेभोसले यांनी अभिनंदन केले. तसेच त्यांनी सर्व उपस्थित मान्यवरांना व खेळाडूंना मानाचा फेटा बांधून व श्रीफळ देऊन सत्कार केला.
ही स्पर्धा यशस्वी होण्यासाठी जिंती येथील सिद्धार्थ क्रिकेट क्लब, लहुजी सेना यांचे बहुमूल्य योगदान मिळाले. तर जिंती येथील युवा कार्यकर्ते पप्पू धेंडे ,काळू चव्हाण, तानाजी चव्हाण, नाना भोसले, शुभम शिंदे, भिवा शिंदे यांचे विषेश सहकार्य मिळाले. या कार्यक्रमाचे प्रास्ताविक प्रा. वागमोडे यांनी तर सूत्रसंचालन प्रा.रामहरी झाझुर्णे यांनी केले.
